Lege-oinarriak

1.- Zertan datza Sustapen hau?

KUTXABANK SAk (aurrerantzean, «Kutxabank» edo «Bankua»; egoitza soziala: Kale Nagusia 30-32, Bilbo; IFZ: A95653077; Bizkaiko Merkataritza Erregistroan inskribatua, 5226 liburukian, 0 liburuan, BI-58729 orrian, 1. folioan) Kutxabank Kanpus finantza-hezkuntzako programari lotutako sustapen-ekintza bat (aurrerantzean, «Sustapena») egingo du, «KUTXABANK KANPUS ZOZKETAK» izenekoa, eta bi zozketaz osatua (aurrerantzean, «Zozketa» edo «Zozketak», dagokionaren arabera).

Kutxabank Kanpus hezkuntza- eta prestakuntza-izaerako finantza-hezkuntzako programa bat da, eta Kutxabankek sustatzen du. Web-plataforma bat du, eta, bertan, interesdunak erregistratu ahal izango dira finantzei buruz modu erraz eta entretenigarrian ikasteko.

Oinarri hauetan araututako Zozketek sustapen-izaera dute; publizitate- eta sustapen-helburuetarako bakarrik egiten dira, eta ez dute inolako kostu gehigarririk izango parte-hartzaileentzat.

2.- Zein dira Zozketa hauetako sariak?

Zozketek sari hauek izango dituzte:

2.1. 5 iPhone 18 Pro 256 GB-ren Zozketa

Zozketak («iPhone-aren Zozketa») 5 sari izango ditu, bakoitza 1 iPhone 18 Pro 256 GB-z osatua.

Gailuaren kolorea entregatzeko unean dagoen eskuragarritasunaren araberakoa izango da. Adierazitako modeloa erabilgarri ez badago, Kutxabankek antzeko ezaugarriak edo balio baliokidea duen beste gailu batekin ordeztu ahal izango du.

Sariak ez ditu barnean hartzen osagarriak, linea mugikorraren kontratazioa, datuak, aseguruak, konponketak, mantentze-lanak, aplikazioak, harpidetzak eta gailuaren erabilerarekin lotutako beste ezein zerbitzu gehigarri.

2.2. Balira joateko 2 lagunentzako 2 bidaiaren Zozketa

Zozketak («Balirako Zozketa») 2 sari izango ditu, bakoitza 2 lagunentzako bidaia batez osatua.

Bonu bat emango da, eta BALIrako bidaia batekin trukatu ahal izango da, gehienez 6.000 eurokoa, Azul Marino bidaia-agentzian («Bidaia-agentzia»). Inola ere ezin izango da gainditu 3.000 eurotik gorako zenbatekoa pertsonako.

Bidaia 2027. urtean egin beharko da, saria eman eta onartu ondoren, bidaia-agentziarekin adostuta ezarritako datetan eta erabilgarritasunaren arabera.

Irabazleek aukeratu ahal izango dute zein egunetan egin nahi duten bidaia, betiere bidaia-agentziak eskuragarritasuna badu eta bidaiaren zenbatekoa 3.000 €-tik gorakoa ez bada pertsona bakoitzeko; hau da, 6.000 €-ko gehieneko zenbatekoa sari bakoitzarentzat. Adierazitako gehieneko zenbatekoa bidaia ordaintzeko soilik erabili behar da; beraz, azken prezioa txikiagoa bada, ez zaie aldea ordainduko irabazleei.

Bidaia-agentziaren erabilgarritasunaren eta baldintzen arabera, bidaiarekin lotutako zerbitzuetara bideratu ahal izango da bonua (hegaldiak, ostatua, etab.), pertsona bakoitzeko adierazitako gehieneko zenbatekora iritsi arte. Zenbateko horretatik gorako edozein gastu saridunak eta/edo haren laguntzaileek hartuko dute beren gain, oso-osorik, baina horrek ez du sortuko Bankuak itzulketa, konpentsazioa edo ordainketa gehigarria egiteko eskubiderik.

Sarian espresuki jaso ez den beste edozein gastu saridunak eta haren laguntzaileek hartuko dute beren gain; besteak beste, honako gastu hauek: mantenua, aurreikusi gabeko barne-garraioa, aseguruak, bisak, txertoak, bidaiatzeko beharrezko dokumentazioa, tasak, zergak, txangoak, erosketa pertsonalak, kategoria-hobekuntzak, data-aldaketak edo beste edozein gastu gehigarri.

Kutxabankek, Zozketak antolatzen dituen entitate den aldetik, sariaren sustatzaile gisa soilik jarduten du, eta ez saria osatzen duten zerbitzuen emaile gisa, hala nola hegaldiak, ostatua edo bestelako turismo-zerbitzuak. Horren ondorioz, Kutxabankek ez du inolako erantzukizunik hartuko bere gain zerbitzu horien gauzatzeari, kalitateari, segurtasunari edo erabilgarritasunari dagokionez, Kutxabanketik kanpoko hirugarrenek emango baitituzte.

Kutxabank ez da izango atzerapenen, galeren, lapurreten, narriaduren, ezerezteen edo beste edozein gorabeheraren erantzule, eta ez du erantzukizunik izango sariaz osorik edo partzialki gozatzea eragozten duen ezinbesteko inguruabarren edo ezusteko kasuen gainean.

Kutxabankek ez du erantzukizunik izango hauen gainean, besteak beste:

• Hirugarren hornitzaileen jarduketak edo ez-egiteak; adibidez, hegazkin-konpainiak, hotelak, bidaia-agentziak edo turismo-zerbitzuak ematen dituztenak.
• Kutxabanketik kanpoko arrazoiengatik kontratatutako hegaldi, ostatu edo zerbitzuetan gertatutako ezerezteak, aldaketak edo gorabeherak.
• Sarian sartzen ez diren gastu gehigarriak, hala nola aseguruak, bisak, tasak, zergak, mantenua, barne-garraioa, erosketa pertsonalak edo bestelako ordainketak.
• Bidaiari eragiten dioten osasun-baldintzak, indarreko lege-murrizketak edo araudiak, barnean hartuz segurtasun-neurriak, osasun publikoko neurriak edo muga-kontroleko neurriak.
• Dokumentazio pertsonala, pasaportea, NANa, bidaia-txartelak edo bidaiatzeko beharrezkoa den beste edozein dokumentu galtzea.
• Helmugako herrialdeak edo hirugarren herrialdeek eskatzen dituzten sarrera-, egonaldi- edo igarotze-baldintzak ez betetzea.
• Bidaian gertatutako istripuak, gaixotasunak edo kalte pertsonalak.

3.- Zenbat irauten du Sustapenak?

Programari lotutako Sustapenak 2026ko urriaren 22tik 2027ko urtarrilaren 30era arte iraungo du, biak barne.

Kutxabankek beretzat gordeko du Sustapena osatzen duten Zozketak eteteko edo deuseztatzeko eskubidea, edo haien baldintzetakoren bat aldatzeko eskubidea, baldin eta arrazoi teknikoengatik, ezinbesteko arrazoiengatik edo bere borondatez kanpoko beste edozein arrazoirengatik Zozketak egin ezin badira edo normaltasunez garatu ezin badira.

Kasu horretan, Kutxabank salbuetsita geratuko da aldaketa horretatik eratorritako edozein erantzukizunetatik, eta konpromisoa izango du oinarri eta baldintza berriak ezagutarazteko eta haiei publizitatea emateko, edo, hala badagokio, deuseztatzeko, ahal bezain laster; parte-hartzaileek ez dute konpentsaziorako eskubiderik izango arrazoi horrengatik.

4.- Zein baldintza bete beharko dituzte Zozketetan parte hartzeko?

Adin guztietako pertsonek parte hartu ahal izango dute Kutxabank Kanpus programan. Hala ere, Sustapena indarrean dagoen bitartean eta saria esleitu arte Zozketa bietarako baldintza komunak betetzen dituzten pertsona fisikoek soilik parte hartu ahal izango dute Zozketetan eta eskuratu ahal izango dituzte Oinarri hauetako sariak. Parte hartzeko, ez da beharrezkoa izango Kutxabankeko bezero izatea eta Bankuaren produktu edo zerbitzuak kontratatuta edukitzea. Hona hemen baldintzak:

• Zerga-egoitza edo bizilekua Espainian izatea.
• 2000tik 2008ra bitartean jaiotako pertsona fisikoak izatea.
• Kutxabank Kanpus plataforman erregistratuta egotea: https://www.kutxabankkanpus.es/eu/.
• Lege-oinarri hauek irakurtzea eta onartzea, Kanpus plataformako kontrol-lauki espezifiko baten bidez, bertan erregistratu edo saioa hasi aurretik gaitua.
• Zozketa bakoitzerako ezarritako parte hartzeko baldintzak betetzea.

iPhone-aren Zozketan parte hartu ahal izateko, behar bezala osatu beharko da Kutxabank Kanpus programa, «5. erronka» izenekora arte, hura barne, 2026ko abenduaren 11ko 23:59 baino lehen.

Balirako Zozketan parte hartu ahal izateko, behar bezala osatu beharko dira Kutxabank Kanpus programak dituen 9 erronkak, 2027ko urtarrilaren 30eko 23:59 baino lehen.

Zozketetan parte hartzeko edo sariduna izateko, ez da beharrezkoa izango Kutxabankeko bezero izatea, baina, parte-hartzailea bezeroa bada, Kutxabankek Zozketatik kanpo utzi ahal izango ditu Bankuan saldo negatiboak edo zorpekoak dituzten pertsona fisikoak, bai Sustapena indarrean dagoen bitartean, bai Zozketen datan eta saria entregatu arte.

Kutxabank Kanpus programan parte hartu arren Oinarri hauetan ezarritako adin-eskakizuna betetzen ez duten pertsonek ezingo dute Zozketetan parte hartu, ezta haietan parte hartzeko eskatzen diren gainerako baldintzak betetzen ez dituztenek ere.

5.- XPen (puntuak) eta partaidetzen sistema

Kutxabank Kanpusek XP sistema baten bidez funtzionatzen du, Oinarri hauen ondorioetarako puntu metagarri gisa ulertuta, programaren erronkak egiteari eta plataformaren barruko zenbait ekintza osagarriri lotuta.

Parte-hartzaileek XP puntuak lortu ahal izango dituzte honako mekanika honen arabera:

• Erronka baten testa behar bezala osatzea: 500 XP arte, 100 XP lehen saiakeran zuzen erantzundako galdera bakoitzeko.
• Bigarren saiakeran ondo erantzundako galdera bakoitzeko: 80 XP.
• Hirugarren saiakeran zuzen erantzundako galdera bakoitzeko: 60 XP.
• Testeko galdera guztiei zuzen erantzutea lehen saiakeran, akatsik egin gabe: 200 XP estra.
• Kutxabank Kanpusen behar bezala erregistratutako lagun bat gonbidatzea: 500 XP estra, gonbidatzen duen pertsonarentzat. Partaidetzak sortzeko, parte-hartzaile bakoitzeko 5 gonbidapen bakarrik hartuko dira kontuan gehienez. Baliozko gonbidapenek Kutxabank Kanpusen behar bezala erregistratutako alta erreal eta bakarrak izan behar dute. XPak edo partaidetzak lortzeko, ez dira baliozkotzat joko gezurrezko gonbidapenak, gonbidapen bikoiztuak, pertsona berari egindakoak, norberari egindakoak, edota datu faltsuen, baliabide automatizatuen edo fede onaren edo plataformaren funtzionamendu normalaren aurkako beste edozein jardunbideren bidez egindakoak. Kutxabankek beretzat gordeko du Oinarri hauen aurkako iruzurrezko gonbidapenen, gonbidapen irregularren edo kontrakoen bidez lortutako XPak berrikusteko, baliogabetzeko edo deskontatzeko eskubidea.
• Kutxabank Kanpusera gonbidatutako pertsona baten alta egokia: 500 XP estra gonbidatuarentzat.
• Kutxabank Kanpus programaren erronka guztiak osatzea: 2.000 XP estra.

Oinarri hauetan jasotako Zozketetan parte hartzeari dagokionez, parte-hartzaile bakoitzak metatzen dituen XPek Zozketa hauetarako partaidetza-kopuru bat emango du, baldin eta pertsona horrek Oinarri hauetan saria eskuratzeko aurreikusitako baldintzak betetzen baditu.

Zehazki, partaidetza bat emango da metatutako 500 XP bakoitzeko, zatiki edo bloke osatugabeak aintzat hartu gabe. Beraz, 500era iristen ez diren XP metatuek ez dute parte-hartze gehigarririk sortuko. Adibide gisa, 500 XP partaidetza baten baliokide dira; 1.000 XP, 2 partaidetzaren baliokide.

Parte-hartzaile bakoitzaren puntuazio metatua Kutxabank Kanpus plataformaren markatzailean islatuko da; beraz, zenbat eta handiagoa izan XP konputagarri metatuen kopurua, orduan eta handiagoa izango da dagokion Zozketan lortuko duen partaidetza-kopurua. Zozketa bakoitzerako, Kutxabank Kanpus plataforman erregistratutako XPak bakarrik zenbatuko dira, Zozketa horretarako Oinarri hauen 4. apartatuan adierazitako gehieneko data eta ordura arte.

Zozketa egiteko, fitxategi bat prestatuko da Zozketa bakoitzerako eskatutako baldintzak betetzen dituzten pertsonen datuekin eta haietako bakoitzari emandako partaidetza-kopuruarekin. Partaidetzak hurrenez hurren zenbakituko dira, Zozketa bakoitzerako prestatutako fitxategian 1. zenbakitik aurrera.

Saridunen datuak lortzeko erabiliko den fitxategiak Kutxabank Kanpusen erabiltzaileek emandako datuak eta/edo Kutxabanken sistemetan agertzen diren datuak jasoko ditu; hala badagokio, izen osoa, NANa/AIZa, telefonoa eta helbide elektronikoa. Nolanahi ere, partaidetzak zenbaki korrelatiboaren arabera ordenatuko dira Zozketa bakoitzerako prestatutako fitxategian. Horrela, parte-hartzaile bakoitzaren identifikazio-datuak –besteak beste, NANa/AIZa– haren partaidetzekin lotuko dira saria egiaztatzeko, identifikatzeko eta esleitzeko, eta ez da inola ere Zozketak antolatzeko irizpide bat izango.

Pertsona bakoitzak partaidetza ugari metatu ahal izango ditu lortutako XPen arabera; hala ere, Zozketa bakoitzean behin bakarrik izan ahalko da saridun. Bi Zozketa horiek bateragarriak dira elkarren artean, eta, beraz, parte-hartzaile bera bietan saritu ahal izango da, eta bi sariak metatuko dira. Parte-hartzaile bat Zozketa horietako batean behin baino gehiagotan gertatuko balitz saridun, saritutako lehen partaidetzari dagokionez bakarrik saritu ahal izango da, eta gainerako sariak dagokion hurrengo pertsonari pasatuko zaizkio.

6.- iPhone-aren Zozketaren mekanika

Zozketa honen ondorioetarako, kontuan hartuko dira 5. erronkara arte metatutako XP konputagarriak, baita baliozko gonbidapenetatik datozen XPak ere, Oinarri hauetan adierazitako ebaketa-datan eta -orduan plataforman erregistratuta daudenak. 5. erronkaren ondorengo erronkengatik lortutako XPek ez dute partaidetzarik sortuko Zozketa honen ondorioetarako.

Parte-hartzaile bakoitzari partaidetza-kopuru bat emango zaio, XP konputagarri metatuen arabera.

Zozketa 2026ko abenduaren 18an egingo da, edo, egun horretan materialki ezinezkoa balitz, ahalik eta data hurbilenean, Bilboko Vicente M. del Arenal Otero notario jaunaren aurrean. Horretarako, ausaz aterako dira 5 partaidetza irabazle, bai eta 40 erreserba-aukera ere, ateratako ordenaren arabera, lehenengotik azkenekora.

Zozketa egiteko, fitxategiko zenbaki bakarra aterako da, eskuz, lehenengotik azken aukerara bitartekoa. Zenbaki hori saritutako lehen aukera izango da. Saritutako beste 4 aukerak lortzeko, eta ondoren beste 40 erreserba-aukera, lortutako kopuruari eragiketa honen emaitza gehituko zaio, prozedura informatikoen bidez: fitxategian erregistratutako aukera guztien kopurua zati sari guztien kopurua (5) gehi erreserben kopurua (40); hau da, 45ez zatituko da, eta lortutako kopurua beherantz biribilduko da (dezimalak alde batera utzita dagokion zenbaki osoa). Horrela, saritutako aukera guztiak lortuko dira, eta, ondoren, eragiketarekin jarraituz, erreserba-aukerak (40). Horretarako, fitxategiaren amaierara iristen bada, erregistratutako lehen aukeraren arabera jarraituko da kalkulua egiten, saritutako aukeren (5) eta erreserba-aukeren (40) kopurua osatu arte, eta erreserbakoak atera diren ordenaren arabera hartuko dira halakotzat.

Berrogei (40) erreserba-aukera aterako dira, eta atera diren ordenaren arabera ordeztuko dituzte irabazleak, baldin eta, besteak beste, sariduna baztertzen bada, lokalizatu ezin bada, saria onartzen ez badu, epe barruan onartzen ez badu edo Oinarri hauetakoren bat betetzen ez badu. Erreserba-aukerak lehenengotik berrogeigarrenera ordenatuko dira; horrenbestez, saridunak saria onartzen ez badu edo egiaztatzen bada ez dituela betetzen Oinarri hauetan ezarritako baldintzak, lehenengo erreserba-aukerara joko da, eta horrela, ondoz ondo, berrogeigarrenera arte.

Zozketaren Oinarriak, bai eta fitxategi informatikoa ere, Bilboko Vicente M. del Arenal notario jaunaren aurrean jarriko dira. Fitxategi hori hilabeteko epean gordeko da, Zozketa egiten den egunetik kontatzen hasita, interesdunek egiaztatu ahal izan dezaten.

7.- Balirako Zozketaren mekanika

Zozketa honen ondorioetarako, kontuan hartuko dira 9. erronkara arte metatutako XP konputagarriak eta XP estrak (programaren erronka guztiak osatuz gero, funtzionaltasun hori aktibo badago), baita baliozko gonbidapenetatik datozen XPak ere, Oinarri hauetan adierazitako ebaketa-data eta -orduan plataforman erregistratuta badaude.

Parte-hartzaile bakoitzari partaidetza-kopuru bat emango zaio, XP konputagarri metatuen arabera.

Zozketa 2027ko otsailaren 5ean egingo da, edo, egun horretan materialki ezinezkoa balitz, ahalik eta data hurbilenean, Bilboko Vicente M. del Arenal Otero notario jaunaren aurrean. Horretarako, ausaz aterako dira 2 partaidetza irabazle, bai eta hirurogei erreserba-aukera ere, ateratako ordenaren arabera, lehenengotik azkenekora.

Zozketa egiteko, fitxategiko zenbaki bakarra aterako da, eskuz, lehenengotik azken aukerara bitartekoa. Zenbaki hori saritutako lehen aukera izango da. Saritutako beste aukera lortzeko, eta ondoren beste 60 erreserba-aukera, lortutako kopuruari eragiketa honen emaitza gehituko zaio, prozedura informatikoen bidez: fitxategian erregistratutako aukera guztien kopurua zati sari guztien kopurua (2) gehi erreserben kopurua (60); hau da, 62z zatituko da, eta lortutako kopurua beherantz biribilduko da (dezimalak alde batera utzita dagokion zenbaki osoa). Horrela, saritutako aukera guztiak lortuko dira, eta, ondoren, eragiketarekin jarraituz, erreserba-aukerak (60). Horretarako, fitxategiaren amaierara iristen bada, erregistratutako lehen aukeraren arabera jarraituko da kalkulua egiten, saritutako aukeren (2) eta erreserba-aukeren (60) kopurua osatu arte, eta erreserbakoak atera diren ordenaren arabera hartuko dira halakotzat.

Hirurogei (60) erreserba-aukera aterako dira, eta atera diren ordenaren arabera ordeztuko dituzte irabazleak, baldin eta, besteak beste, sariduna baztertzen bada, lokalizatu ezin bada, saria onartzen ez badu, epe barruan onartzen ez badu edo Oinarri hauetakoren bat betetzen ez badu. Erreserba-aukerak lehenengotik hirurogeigarrenera ordenatuko dira; horrenbestez, saridunak saria onartzen ez badu edo egiaztatzen bada ez dituela betetzen Oinarri hauetan ezarritako baldintzak, lehenengo erreserba-aukerara joko da, eta horrela, ondoz ondo, hirurogeigarrenera arte.

Zozketaren Oinarriak, bai eta fitxategi informatikoa ere, Bilboko Vicente M. del Arenal notario jaunaren aurrean jarriko dira. Fitxategi hori hilabeteko epean gordeko da, Zozketa egiten den egunetik kontatzen hasita, interesdunek egiaztatu ahal izan dezaten.

8.- Nola jakinarazten dira sariak?

Saria emateari buruzko jakinarazpena –ondorio guztietarako, fiskalak barne– gutun bidez, telefonoz edo posta elektronikoz komunikatuko zaie saridunei, edo Kutxabankek egokitzat jotzen duen beste edozein bitartekoren bidez, bere sistemetan jasotako harremanetarako datuak erabiliz.

Parte-hartzailea izango da Kutxabanki emandako harremanetarako datuen egiazkotasunaren eta eguneratzearen erantzulea, eta Bankua erantzukizun orotatik aske geratuko da, baldin eta harremanetan jarri ezin bada datu okerrak, osatugabeak edo eguneratu gabeak direla-eta.

Hala, edozein parte-hartzailek Kutxabanki emandako datuak okerrak, osatugabeak edo eguneratu gabeak badira, eta horren ondorioz sariduna ezin bada identifikatu edo lokalizatu, eta, beraz, saria entregatu ezin bazaio, Kutxabankek ez du inolako erantzukizunik izango saria emateari dagokionez, ezta egoera horren ondorioz sor daitekeen beste edozein erantzukizunik ere.

Edozein arrazoi dela-eta saridunekin harremanetan jarri ezin bada Zozketak egiten direnetik kontatzen hasita zazpi (7) egun naturaleko epean, Kutxabank salbuetsita geratuko da edozein erantzukizunetatik, eta saria automatikoki esleitu ahal izango die erreserbei, ateratako ordenaren arabera.

Saria esleitzeko, parte-hartzaileak, saria jakinarazten den egunean, Oinarri hauetan aurreikusitako baldintza guztiak bete beharko ditu. Parte-hartzailea Kutxabankeko bezeroa bada, Bankuak egiaztatu ahal izango du ordainketak eta entitatearekiko beste edozein eragiketa egunean dagoela.

9.- Nola onartu edo baztertu behar dira sariak?

Saridunak saria onartzen duela edo hari uko egiten diola berretsi beharko du horretarako prestatutako fitxa bat sinatuz, sariaren jakinarazpena jaso eta hurrengo bi (2) egun naturaleko epean. Epe hori igarota saria onartu edo hari uko egin ezean, ulertuko da pertsonak saria baztertzen duela; erreserba-aukeretako lehenengoari emango zaio, eta horrela hurrenez hurren, erreserba guztiak agortu arte. Erreserba-aukera guztiek saria baztertzen badute, Kutxabankek saria erabiltzeko eskubidea izango du.

Saria epearen barruan onartzen ez bada, uko espresu bat egin delako edo onartu gabe bi (2) eguneko epea igaro delako, eskatutako dokumentazioa aurkezten ez bada edo Oinarri hauetan ezarritako baldintzak betetzen direla egiaztatzen ez bada, galdu egingo da saria jasotzeko eskubidea.

10.- Nola banatzen dira sariak?

Kutxabankek egokitzat jotzen dituen moduan eta lekuan emango dizkie sariak saridunei.

Balirako Zozketaren kasuan, bidaia antolatzeko baldintzen eta prozeduraren berri emango zaie irabazleei, eta bidaiaren data hautatzeko aukera emango zaie. Bidaia 2027. urtean egin beharko da, saria entregatu eta onartu ondoren, bidaia-agentziarekin adostuta ezarritako datetan, betiere eskuragarritasunaren arabera eta bidaia bakoitzeko 6.000 €-ko gehieneko mugarekin eta pertsona bakoitzeko 3.000 €-ko mugarekin.

11.- Eska al daiteke sariak aldatzea?

Bi Zozketa horien xede diren sariak ezin dira inola ere aldatu edo konpentsatu saridunek hala eskatuta, eta ezingo dira inola ere dirutan duten kontrabalioarekin ordeztu. Hala ere, Kutxabankek eskubidea izango du saria ordezteko, bidezko arrazoiengatik edo ezinbesteko kasuetan.

12.- Sariei uko egin dakieke?

Saridunak uko egin ahal izango dio sariari, uko egiteko edo onartzeko ezarritako bi eguneko aipatutako epearen barruan, baina ezingo dio beste pertsona bati laga. Kasu horretan, Zozketaren hurrengo erreserbari eskainiko zaio. Bi Zozketetan gertatzen bada saridun, sarietako bati uko egiteak ez du berekin ekarriko besteari uko egitea.

Sariari berariaz edo isilbidez uko egitea errebokaezina izango da, eta ez da inolako konpentsaziorik jasoko.

13.- Nor dago Zozketa hauetatik kanpo?

Hauek geratzen dira Zozketa hauetatik kanpo:

• Kutxabankeko langileak.
• Zozketaren datan hilda dauden pertsonak.
• Sustapena indarrean dagoen bitartean edo Zozketaren datan, baita saria jaso artean ere, Bankuan saldo negatiboak nahiz zorpekoak dituzten pertsonak kanpo utzi ahal izango dira.

Zozketetan saritutako aukera lehenago aipatutako arrazoiengatik baztertuta geratu den pertsona bati egokitu bazaio, saridunaren tokia lehen erreserba-aukera duen pertsonak hartuko du, eta horrela hurrenez hurren.

Halaber, Kutxabankek, bere irizpidea oinarri hartuta, edozein parte-hartzaile utzi ahal izango du Sustapenetik kanpo, aldez aurretik jakinarazi beharrik gabe, baldin eta honelako jarduketaren batean parte hartu duela detektatzen bada: iruzurra, manipulazioa, baliabide automatizatuen erabilera, identitate-ordezpena, bikoiztasun bidegabeak, Oinarri hauen ez-betetzeak edo Sustapena nahiz Zozketa normaltasunez garatzea oztopa dezakeen edozein jarduketa.

Halaber, kanpoan geratuko dira iruzurrez parte hartu duten pertsonak, datu faltsuak, osatugabeak edo okerrak eman dituztenak, plataformaren funtzionamendua, partaidetza-sistema, erronken erregistroa, lagunak gonbidatzeko sistema edo Zozketarekin lotutako beste edozein elementu manipulatzen saiatu direnak, eta praktika irregularren bidez XP edo partaidetzak lortu dituztenak.

14.- Datu pertsonalen babesa

Zozketetan parte hartzeak parte-hartzaileen datu pertsonalak Kutxabanken Informazio Sisteman sartzea ekarriko du, parte-hartze hori kudeatzeko.

Helburu hauetarako tratatuko dira datu pertsonalak: Zozketetako parte-hartzea kudeatzeko, ezarritako baldintzak betetzen direla egiaztatzeko, pertsona bakoitzari dagozkion partaidetzak metatutako XPen arabera kalkulatzeko, Zozketak egiteko, emaitzak jakinarazteko, sarien onarpena eta banaketa kudeatzeko, aplikatu beharreko legezko betebeharrak betetzeko eta, hala badagokio, Zozketetatik erator daitezkeen erreklamazioei edo egiaztapenei erantzuteko.

Saridunaren edo, hala dagokionean, haren legezko ordezkariaren berariazko baimena izanez gero soilik tratatuko dira datuak helburu gehigarri honekin: saridunaren izena, abizenak eta/edo irudi pertsonala edozein publizitate- eta/edo sustapen-jardueratan erreproduzitzea, erabiltzea edo zabaltzea, edozein bitarteko, euskarri edo formatutan. Jarduera horiek ez dute inolako ordainsaririk edo onurarik jasotzeko eskubiderik emango.

Era berean, jakinarazten da datu pertsonalen tratamenduarekin lotutako edozein gatazkaren aurrean edozein unetan erreklamazio bat aurkezteko aukera dagoela kontrol-agintaritzaren aurrean, eta datu pertsonalei dagokienez haiek irispidean izateko, zuzentzeko, ezabatzeko eta aurka egiteko, haien tratamendua mugatzeko eta haiek eramateko eskubideak baliatzekoa eta erabaki indibidual automatizatuen xede ez izatekoa.

Parte-hartzaileek idatziz baliatu ahal izango dituzte eskubide horiek Kutxabanken egoitza sozialera zuzendutako komunikazio bidez edo info@kutxabank.es helbidera mezu elektroniko bat bidaliz, bi kasuetan NANaren/AIZaren fotokopia erantsiz.

Iruditzen bazaie ez ditugula haien datu pertsonalak araudian zehaztutako moduan erabili, datuak babesteko ordezkariarekin jarri ahal izango dira harremanetan, helbide honetan: dpo@grupokutxabank.com.

15.- Hirugarren markekin loturarik ez izatea

Zozketa hauek ez dituzte ez Apple Inc.-ek ez beste ezein sozietatek babesten, bermatzen edo administratzen, eta ez daude haiei lotuta ere. iPhone 18 Pro 256 GB gailuaren erreferentzia saria identifikatzeko soilik egiten da, entitate horrekin inolako loturarik, babesletzarik edo loturarik eragin gabe.

16.- Zer tratamendu fiskal dagokie sariei?

Zozketa honen xede diren sariak ondare-irabazitzat hartuko dira saridunen pertsona fisikoen errentaren gaineko zergaren (PFEZ) ondorioetarako, eta dagokion % 19ko atxikipenari edo konturako sarrerari lotuta egongo dira, indarrean dagoen zerga-araudiaren arabera 300 eurotik gorakoak baitira.

Kutxabankek bere gain hartuko du atxikipen edo konturako sarrera horri dagokion zenbatekoa, saridunei jasanarazi gabe, eta, hala badagokio, dagokion diru-sarrera egingo du zerga-administrazio eskudunaren aurrean.

Era berean, saria eman den urte naturala amaitutakoan, Kutxabankek dagokion ziurtagiri fiskala emango dio saridun bakoitzari. Ziurtagiri horretan jasoko dira lortutako sariaren datuak eta, hala badagokio, bere gain hartutako eta sartutako atxikipenarena edo konturako sarrerarena.

Aurrekoari kalterik egin gabe, saridunek soilik bete beharko dituzte saria eskuratzetik erator daitezkeen zerga-betebeharrak, aplikatzekoa den araudiaren arabera dagokion PFEZaren autolikidazioan behar bezala aitortzea eta integratzea barne.

17.- Zer epe duzu erreklamatzeko?

Parte-hartzaileak sustapenarekin zerikusia duen edozein gorabehera jakinarazi ahal izango du horren berri izaten duen unetik.

Gorabeheraren bat baduzu, Bankuko zure bulegora joan zaitezke, konponbide bat bilatzeko. Ematen dizuten erantzunarekin ados geratzen ez bazara, Bankuko Bezeroarentzako Arreta Zerbitzura (aurrerantzean, «BAZ») idatz dezakezu, helbide honetara: Kale Nagusia 30-32, 2. solairua, 48009 - Bilbo. Agintari eskudunei kexa edo erreklamazio bat aurkeztu aurretik, prozedura honi jarraitu behar diozu.

Kanal hauetako edozein erabiliz bidal dezakezu idazkia BAZera:

• Pertsonalki, zure erreklamazioa Bankuaren edozein bulegotan entregatuz.
• Postaz, zure idazkia helbide honetara bidaliz: Kutxabank - Bezeroarentzako Arreta Zerbitzua; Kale Nagusia 30-32, 2. solairua; 48009 Bilbo.
• Posta elektronikoz, ziurtagiri digitala baduzu, helbide honetara mezu elektroniko bat bidaliz: atencion.Cliente@grupokutxabank.com
• Urruneko bankaren kontratu bat baduzu, Online bankan edo Bankuaren webgunean bete dezakezu dagokion formularioa.

Nolanahi ere, kontsumitzaile bat bazara, behin betiko erantzuna jasotzeko epea ez da hilabete batetik (1) gorakoa izango. Kontsumitzaile bat edo mikroenpresa bat ez bazara, behin betiko erantzuna jasotzeko epea ez da bi (2) hilabetetik gorakoa izango.

Zure kexa edo erreklamazioa agintari eskudunen aurrean aurkeztu baino lehen, nahitaez BAZen aurrean aurkeztu behar duzu zure kexa edo erreklamazioa, baldin eta BAZek eman dizun erantzunak gogobete ez bazaitu edo erantzuna ez bada ezarritako epean eman.

Bankua ez dago kontsumoko arbitraje-batzorde bati atxikita Kontratu honekin zerikusia duten gatazkak ebazteko.

18.- Lege-oinarriak

Oinarri hauek Kutxabanken webgunean daude eskuragarri (www.kutxabank.es), edo Kutxabank Kanpus plataforman.

Zozketa hauetan parte hartzeko, Oinarri hauek espresuki onartu beharko dira, erregistratu edo saioa hasi aurretik Kutxabank Kanpus webgunean/plataforman gaitutako kontrol-laukiaren bidez. Ondorioz, Zozketetan parte hartzeak Oinarri hauetan ezarritako baldintzekin erabat ados dagoela esan nahi du, Zozketen mekanika definitzeko eta parte-hartzailearen berariazko baimen gehigarri bat behar ez duten alderdiei dagokienez.

Oinarri hauen interpretazioari edo aplikazioari buruz nahiz Sustapenaren garapenari buruz sor daitekeen edozein zalantza, desadostasun edo eztabaida Kutxabankek ebatziko du; lehenik eta behin, fede onaren, arrazoizkotasunaren eta proportzionaltasunaren irizpideen arabera, Sustapenaren helburu ekonomikoa eta sustapen-izaera kontuan hartuta.

Ondorio horietarako, parte-hartzaileek konpromisoa hartzen dute une oro fede onaren, leialtasunaren, gardentasunaren eta eskubide-abusurik ezaren printzipioen arabera jokatzeko, Oinarri hauen hitzez hitzeko interpretazioaren babespean egon arren haien espirituaren, helburuaren edo orekaren aurkakoak diren interpretazioak edo jokabideak saihestuz.

Zehazki, ez da onartuko Kutxabanken iritziz Zozketetan parte hartzeko mekanismoak abusuz edo iruzurrez erabiltzea dakarren jarduketarik, ezta sariak lortzeko probabilitateak bidegabeki aldatzea xede duen jarduketarik ere, gainerako parte-hartzaileen edo Kutxabanken kaltetan.

Kutxabankek irizpide horiek aplikatzean hartzen dituen erabakiek aintzat hartuko dituzte fede onaren printzipioa eta Sustapenaren helburua, alde batera utzi gabe parte-hartzaileek araudi aplikagarriaren arabera dituzten eskubideak.

Zozketen Oinarriak bete ez dituzten parte-hartzaileak deskalifikatu ahal izango ditu Kutxabankek.

19.- Legedia eta Forua

Oinarri hauek Espainiako legeriaren arabera arautuko dira.

Edozein gatazka ebazteko, alderdiak kontsumitzaileen araudiaren arabera eskudunak diren epaitegi eta auzitegien mende jartzen dira.

Bilbon, 2026ko urriaren 20an.